Mira Network (MIRA) деген не?
Mira Network – жасанды интеллект жүйелеріндегі сенімділік мәселелерін шешу үшін құрастырылған орталықтандырылмаған растау протоколы. Қазіргі ЖИ жиі галлюцинациялар мен біржақтылық сияқты қателерге байланысты шектеулі болып, соның салдарынан аса маңызды пайдалану жағдайларында автономды жұмысқа жарамайды. Жоба ЖИ нәтижелерін блокчейн консенсусы арқылы криптографиялық тұрғыдан расталған ақпаратқа түрлендіру арқылы мәселені шешеді. Күрделік контентті расталатн деректерге бөліп, оларды тәуелсіз ЖИ модельдері арасында үлестіру арқылы Mira нәтижелер орталықтандырылған басқару емес, экономикалық ынталандырулар мен сенімді талап етпейтін консенсус арқылы расталуын қамтамасыз етеді.
Mira архитектурасының негізінде түйін операторларын шыншыл растауға ынталандыратын Жұмыс дәлелі (PoW) және Стейкинг дәлелі (PoS) механизмінің гибриді жатады. Оған қоса, Verified Generate API және Mira Flows маркетплейсі әзірлеушілер мен кәсіпорындарды дәлдігі 95%-дан астам ЖИ растау мүмкіндігіне қол жеткізетін құралдармен қамтамасыз етіп, дәлдік пен жүйелілікті қажет ететін қолданбаларға арнап негіз құрады.
Mira Network негізін Нихад Наик, Сидхарта Доддипалли және Каран Сирдесай қалаған. Олар ЖИ сенімділігінің шектелуі оның әлеуетін толық ашпайтынын байқаған еді. Олар растаумен ғана шектеліп қалмай, автономды ЖИ үшін тұтас инфрақұрылым, соның ішінде ЖИ агенттеріне өзара әрекеттесуге, транзакциялар жүргізуге және күрделік тапсырмаларды үйлестіруге мүмкіндік беретін протоколдар жасауды алдына мақсат етіп қойды.
MIRA – Mira Network желісінің нативтік басқару және қызметтік токені. Қатысушылар MIRA токендерін стейкингке салып, желінің қауіпсіздігін қамтамасыз етеді және дәл растау үшін сыйақылар алады, сонымен бірге арам ниетті мінез-құлық үшін жазаға тартылады. Токен ұстаушылары сонымен қатар басқару процесіне араласып, апгрейдтер мен болашақтағы даму бойынша дауыс бере алады.
MIRA токенінің айналымдағы саны – 191,24 миллион, ал жалпы саны – 1 миллиард токен.
Mira Network бүгін ресми түрде негізгі желісін іске қосып, расталатын ЖИ есептеулерін экожүйенің қолданбаларындағы 4,5 миллионнан астам пайдаланушыға ұсынды. Желі іске қосылғаннан кейін, пайдаланушылар ресми порталдар арқылы тіркелу, растау және токен алу мүмкіндіктеріне бірден қол жеткізеді. Сондай-ақ олар MIRA токендерін тікелей стейкингке салып, қолданыстағы желі инфрақұрылымында ЖИ растау операцияларының қауіпсіздігін қамтамасыз ете алады.
MIRA токені Binance биржасында саудалау және сатып алу үшін листингке енгізілген. MIRA токенінің ағымдағы бағасы Binance биржасында нақты уақытта көрсетіліп, жаңарып отырады.
