ကျွန်တော်တို့ အိမ်နီးချင်း 🇹🇭ထိုင်းနိုင်ငံက Crypto နယ်ပယ်မှာ သမိုင်းဝင်သွားမယ့် ခြေလှမ်းသစ်တစ်ခုကို ဒီမနက်က လှမ်းလိုက်ပါပြီ။

Crypto ဆိုတာကို "လောင်းကစား" လို့ မြင်နေကြတဲ့တောသားတွေများတဲ့ခေတ်ကနေ "တကယ့်ပိုင်ဆိုင်မှု (Asset Class)" တစ်ခုအဖြစ် အစိုးရကိုယ်တိုင်က တရားဝင် အသိအမှတ်ပြုလိုက်တဲ့ အခြေအနေကို ရောက်လာတာပါ။

ထိုင်း Crypto နယ်ပယ်ရဲ့ အလှည့်အပြောင်း

Binance Thailand ရဲ့ CEO ဖြစ်သူ ခွန်နီရန် (Nirun Fuwattananukul) ကတော့ ဒီအခြေအနေကို "Watershed Moment" (ရေဝေရေလဲ အခိုက်အတန့်) လို့ တင်စားလိုက်ပါတယ်။ ဆိုလိုတာက အရင်က Crypto ကို မှန်းဆချက်သက်သက် (Speculative) နဲ့ ကစားနေကြတဲ့ အဆင့်ကနေ အခုဆိုရင် တကယ့် Capital Market (အရင်းအနှီးစျေးကွက်) ရဲ့ အခြေခံအုတ်မြစ်တစ်ခု ဖြစ်လာတော့မှာပါ။

ဘာတွေဖြစ်လာတာလဲ?

ထိုင်းအစိုးရဟာ ဘဏ္ဍာရေးဝန်ကြီးဌာနရဲ့ တင်ပြချက်ကို အတည်ပြုလိုက်ပြီး Digital Assets တွေကို Derivatives (အနားသတ်စာချုပ်များ) စျေးကွက်မှာ Underlying Assets (အခြေခံပိုင်ဆိုင်မှု) အဖြစ် အသုံးပြုခွင့်ပေးလိုက်တာပါ။

ရှင်းအောင်ပြောရရင်... အရင်က စက္ကူပေါ်က ဂဏန်းတွေလို့ ထင်ခဲ့ကြတဲ့ Bitcoin လိုမျိုး Crypto တွေကို အခုဆိုရင် ရွှေတို့၊ ဆီတို့လိုမျိုး တကယ့်တန်ဖိုးရှိတဲ့ ကုန်စည်တွေနဲ့ တန်းတူထားပြီး စျေးကွက်ထဲမှာ အာမခံပိုင်ဆိုင်မှုအနေနဲ့ သုံးလို့ရတော့မှာ ဖြစ်ပါတယ်။

ဘာကြောင့် ဒီခြေလှမ်းက အားလုံးကို လှုပ်ခတ်သွားစေတာလဲ?

ဒီပြောင်းလဲမှုက သာမန် User တွေထက် Institutional Investors (အဖွဲ့အစည်းလိုက် ရင်းနှီးမြှုပ်နှံသူကြီးတွေ) အတွက် လမ်းဖွင့်ပေးလိုက်တာပါ။

၁။ နိုင်ငံတကာစံနှုန်းနဲ့အညီ ဖြစ်လာမယ်

ထိုင်းနိုင်ငံက အရှေ့တောင်အာရှရဲ့ Digital Economy မှာ ခေါင်းဆောင်ဖြစ်ချင်တာပါ။ ဒါကြောင့် သူတို့ရဲ့ စည်းမျဉ်းတွေကို နိုင်ငံတကာ စံချိန်စံညွှန်းတွေနဲ့အညီ အဆင့်မြှင့်လိုက်တာဖြစ်ပါတယ်။

၂။ Bitcoin Futures လာတော့မယ်

၂၀၂၆ ခုနှစ်အတွင်းမှာ ထိုင်းစတော့အိတ်ချိန်း (SET) ကနေ Bitcoin Futures နဲ့ ETF တွေကို မိတ်ဆက်ဖို့ ပြင်ဆင်နေပါပြီ။ ဒါဟာ လူချမ်းသာတွေနဲ့ ကုမ္ပဏီကြီးတွေ Crypto ထဲကို ငွေပုံအောပြီး စီးဝင်လာတော့မယ့် နိမိတ်ပါ။

၃။ Carbon Credits ပါဝင်လာမယ်

ထူးခြားတာက Bitcoin အပြင် Carbon Credits တွေကိုပါ ဒီစာရင်းထဲ ထည့်သွင်းလိုက်တာပါ။ ဒါဟာ ကမ္ဘာ့ရေဝါဒနဲ့အညီ Green Economy ကိုပါ တွဲဖက်လုပ်ဆောင်သွားမယ်ဆိုတဲ့ သဘောပါ။

ဒါပေမဲ့... အရာအားလုံးက ပန်းခင်းလမ်းတော့ မဟုတ်သေးဘူး!

သတင်းကောင်းတွေကြားထဲမှာ သတိထားရမယ့် အချက်တွေလည်း ရှိနေပါသေးတယ်။ ထိုင်းနိုင်ငံဟာ Crypto ကို "ရင်းနှီးမြှုပ်နှံမှု" အဖြစ် အားပေးပေမယ့် "ငွေပေးချေမှု (Payment)" အဖြစ်တော့ အခုထိ ခွင့်မပြုသေးပါဘူး။

Crypto နဲ့ ကော်ဖီဝယ်သောက်လို့ မရသေးပါ

ထိုင်းဗဟိုဘဏ်က Crypto ကို ငွေပေးချေမှုအတွက် သုံးတာကို တားမြစ်ထားဆဲပါ။

Gray Money Campaign

ပြီးခဲ့တဲ့ ဇန်နဝါရီလကစပြီး "ငွေမည်း" တိုက်ဖျက်ရေးကို အရှိန်အဟုန်မြှင့်နေပါတယ်။ Crypto ကို သုံးပြီး ငွေခဝါချတာမျိုးကို အစိုးရက အပြင်းအထန် စောင့်ကြည့်နေပါတယ်။

တင်းကျပ်တဲ့ KYC

ခရီးသွားတွေအတွက် Crypto ကနေ ထိုင်းဘတ်ငွေလဲတဲ့ App ရှိပေမယ့် KYC (Identity Verification) က အရမ်းကို တင်းကျပ်ပါတယ်။

ဒါကို ကြည့်ခြင်းအားဖြင့် ထိုင်းအစိုးရဟာ "စနစ်တကျနဲ့ ထိန်းကျောင်းထားတဲ့ တိုးတက်မှု" ကိုပဲ လိုချင်တာပါ။ လွတ်လပ်လွန်းပြီး ဖရိုဖရဲဖြစ်သွားမှာကို သူတို့ အလိုမရှိပါဘူး။

ဘာဆက်လုပ်သင့်လဲ?

"Speculation" ကနေ "Asset" ကို ပြောင်းလဲချိန်တန်ပြီ။ Crypto ကို တစ်ညတည်းနဲ့ ချမ်းသာမယ့် ထီလက်မှတ်လို မမြင်ပါနဲ့တော့။ အိမ်နီးချင်းနိုင်ငံတွေမှာတောင် ဒါကို တကယ့် အရင်းအနှီးစျေးကွက်ရဲ့ အစိတ်အပိုင်းတစ်ခုအဖြစ် လက်ခံနေကြပြီ။ ကိုယ်တိုင်လည်း ဗဟုသုတကို အရင်ရှာပါ။

စည်းမျဉ်းစည်းကမ်း (Regulation) ဟာ ရန်သူမဟုတ်ဘူး။ အစိုးရတွေက စည်းမျဉ်းတွေ ထုတ်လာတာဟာ စျေးကွက်ကို ဖျက်ဆီးဖို့မဟုတ်ဘဲ Institutional Money (ငွေအလုံးအရင်း) ဝင်လာနိုင်အောင် ယုံကြည်မှု တည်ဆောက်ပေးတာပါ။ ယုံကြည်မှုရှိတဲ့နေရာမှာ ငွေစီးဆင်းမှု ရှိပါတယ်။

ရေရှည်ကြည့်တတ်ဖို့ လိုတယ်။ ထိုင်းနိုင်ငံရဲ့ Bitkub လို Exchange မျိုးမှာ တစ်ရက်ကို ဒေါ်လာ ၆၅ သန်းဖိုးလောက် အရောင်းအဝယ်ဖြစ်နေတာဟာ သေးငယ်တဲ့ ပမာဏမဟုတ်ပါဘူး။ ဒါပေမဲ့ အောင်မြင်တဲ့သူတွေဟာ နေ့ချင်းညချင်း ချမ်းသာဖို့ထက်၊ စနစ်တကျနဲ့ Portfolio Diversification (ရင်းနှီးမြှုပ်နှံမှု ခွဲဝေခြင်း) လုပ်တတ်သူတွေ ဖြစ်ပါတယ်။

မိတ်ဆွေတို့ကော ဘယ်လိုမြင်လဲ? Crypto ကို အခုထိ လောင်းကစားလို့ပဲ မြင်နေတုန်းလား? ဒါမှမဟုတ် အနာဂတ်ရဲ့ အခွင့်အလမ်းတစ်ခုလို့ ယုံကြည်နေပြီလား?

ထိုင်းနိုင်ငံရဲ့ ဒီခြေလှမ်းက အရှေ့တောင်အာရှတစ်ခုလုံးအတွက် Signal တစ်ခု ပေးလိုက်တာပါ။ "Digital Asset တွေက ပျောက်ကွယ်သွားမှာမဟုတ်ဘူး၊ ပိုပြီး ခိုင်မာတဲ့ ပုံစံနဲ့ စနစ်ထဲကို ရောက်လာတော့မှာ" ဆိုတဲ့ အချက်ပါ။

#Binance #BinanceTH #cryptoaisia