ببساطة لأن الخسارة إللي حصلت لينا بتخلينا في وضع نفسي و عقلي إننا عايزين نعوض الخسارة فبنشتري السهم التاني عشان نعوض بيه خسارة سابقة و لو خسرنا تاني بنكون في وضع نفسي أسوأ يخلينا عايزين نعوض بسرعة فبنشتري تاني لتعويض الخسارتين السابقتين فنخسر تاني و هلم جرا.
يعني خلقنا علاقة بين قرارات إستثمارية هي في الأصل قرارات مستقلة عن بعض بس بسبب الوضع النفسي السيء خلقنا علاقة ما بين خسايرنا و ما بين قراراتنا الاستثمارية إللي اصلا مالهاش علاقة ببعض.
فأول حاجة لازم نعملها إننا نعرف إن كل قرار إستثماري هو قرار مستقل بذاته مالوش علاقة بخسايرك أو مكاسبك السابقة.
بالتالي ماتشتريش عمله عشان تعوض خسارة، إشتري العمله عشان انت شايفها كويسه و كدة كدة كنت حتشتريه بغض النظر عن أدائك كان عامل إزاي.